BE-ja thirrje Iranit ta pranojë marrëveshjen bërthamore

(30.10.2009 RV)Bruksel: liderët e BE-së shprehin “shqetësimin e thellë” për programin bërthamor iranian e deklarojnë se të gatshëm të vlerësojnë “marrjen e masave në një afat të shkurtër”. Kështu lexohet në bocën tashmë pothuajse përfundimtare të takimit të nivelit të lartë të BE-së që po zhvillohet në Bruksel. “Këshilli evropian- lexohet në tekst - mbetët plotësisht besnik ndaj impenjimit për të kërkuar një zgjidhje diplomatike të çështjes së programit bërthamor iranian dhe e fton Iranin të bashkëpunojë në mënyrë të plotë në këtë drejtim.
Këshilli evropian ripohon shqetësimin e tij të thellë për zhvillimin e programit bërthamor iranian e për mos zbatimin e vazhdueshëm të obligimeve ndërkombëtare nga ana e Iranin”. Në bocë të BE-së nënvizohet se “zbulimet e fundit për ekzistencën e një impianti për pasurimin me uranium në afërsi të Kom-it i ka përkeqësuar edhe matej shqetësimet e Bashkësisë Evropiane. “Këshilli evropian i bën thirrje Iranit t’i përmbahet udhëzimeve e kërkesave të rezolutës së Këshillit të sigurimit të Kombeve të Bashkuara e të bashkëpunojë në mënyrë të plotë me Agjencinë Ndërkombëtare për Energjinë Bërthamore (Aiea).
Pra, liderët e Bashkimit Evropian edhe një herë i bënë thirrje sot Iranit që ta pranojë projekt marrëveshjen e Kombeve të Bashkuara për karburant bërthamor. Irani ka propozuar ndryshime në propozimin e OKB së, në mënyrë që të hedhë poshtë elementët kryesorë të marrëveshjes. Marrëveshja parashikon që Irani ta dërgojë jashtë vendit uraniumin e pasuruar në nivel të ulët që të procesohet në karburant bërthamor, për t'i hequr shqetësimet e Perëndimit se Teherani po përpiqet të zhvillojë bombë bërthamore. Në deklaratën e liderëve të BE së në samitin në Bruksel thuhet se përparimi drejt marrëveshjes “do t’i hapte rrugën zgjerimit të marrëdhënieve ndërmjet Bashkimit Evropian dhe Iranit në dobi të dyanshme”.