പോപ്പ് ബെനഡിക്ട് പതിനാറാമന് സഭൈക്യ പരിപോഷണത്തിനായി നല്കുന്ന പ്രോല്സാഹസനത്തിലും,
ധൈര്യത്തിലും തെസേ എക്യൂമെനിക്കല് സമൂഹ മേധാവി ബ്രദര് അലോയിസ് ലോസര് സന്തുഷ്ടിയും,
അഭിനന്ദനങ്ങളും അറിയിക്കുന്നു. ജര്മ്മനിയിലെ ബവേറിയാ കത്തോലിക്കാ അക്കാദമി ഈ വര്ഷത്തെ
എക്യൂമെനിസ പാരിതോഷികം നല്കി ബ്രദര് അലോയിസ് ലോസറിനെ ആദരിച്ച വേളയില് മറുപടിപ്രഭാഷണം
നടത്തവെയാണ് അദ്ദേഹം പാപ്പായുടെ എകൂമെനിക്കല് സംരംഭങ്ങളെ ശ്ലാഘിച്ചത്. വിശുദ്ധ പത്താം
പീയൂസിന്െറ വൈദികഭ്രാതൃത്വസമൂഹവുമായുള്ള ഐക്യത്തിന് പാപ്പാ നടത്തുന്ന പരിശ്രമങ്ങളെ അഭിനന്ദിച്ചുകെണ്ട്
അദ്ദേഹം തുടര്ന്നു- വളരെ ശ്രദ്ധേയമായ ഒരു നീക്കമാണത്. അതുപോലെ കത്തോലിക്കാ ഓര്ത്തഡോക്സു
സംവാദത്തിലെ പുരോഗതിയും ശുഭോദര്ക്കമാണ്. ക്രൈസ്തവരുടെയിടയിലെ ഭിന്നത എതിര് സാക്ഷൃമാണ്
ലോകത്തിന് നല്കുന്നത്. അവര് ഭിന്നിച്ചിരിക്കുമ്പോള് സുവിശേഷം വ്യക്തമായും, കാര്യക്ഷമമായും
പ്രഘോഷിക്കാനാവില്ല. കാരണം അനുരഞ്നമാണ് ആ സന്ദേശത്തിന്െറ കാതല്. പാരിതോഷികതുകയായ പതിനായിരം
യൂറോ ചൈനയിലെ ജനങ്ങളുടെയില് ബൈബിള് വിതരണം ചെയ്യുന്നതിന് വിനിയോഗിക്കുമെന്ന് ബ്രദര്
അലോയിസ് വ്യക്തമാക്കി. ക്രൈസ്തവൈക്യക്കാര്യങ്ങള്ക്കായുള്ള പൊന്തിഫിക്കല് കൗണ്സില്
പ്രസിഡന്റ് കര്ദ്ദിനാള് വാള്ട്ടര് കാസ്പറാണ് 2008ലെ എക്യൂമെനിസ അവാര്ഡ്ജേതാവ്