Viti kundër varfërisë: 80 milion evropianë rrezikohen nga varfëria.
(29.10.2009 RV)Janë afër 80 milion persona të cilëve u kanoset rreziku i varfërisë
në Bashkimin evropian: të dhënat janë shpallur nga Komisioni i BE-së në ditën në të
cilën në kryeqytetin e Belgjikës zhvillohet një seminar me titullin: “Varfëria: mes
realitetit e perceptimit. Sfida e komunikimit”, në kuadrin e Vitit 2010
për luftën kundër varfërisë, ku marrin pjesë 400 vetë të regjistruar ndërmjet politikanëve,
gazetarëve, Organizatave jo Qeveritare e punonjësve shkencor. Presidenti i Ekzekutivit,
i angazhuar në takimin e nivelit të lartë sot dhe nesër me 27 krerët e Shteteve e
të qeverive të Bashkimit Evropian, do të mbajë fjalimin e tij përmes videos.
Duke u kthyer te të dhënat që ka botuar Ekzekutivi, “rreziku i varfërisë”, që prek
afër 16 % të popullsisë së bashkimit Evropian, është më i lartë në disa vende e më
pak në vende tjera, varësisht nga të ardhura për frymë e nga aftësia e blerjes. Sipas
dhënave të botuara edhe nga agjencia Sir, në Vendet e Ulëta e në Republikën e Çekisë
rreziku i varfërisë e ai i mënjanimit shoqëror prek 10 % të banorëve; të dhënat rriten
në 11% në Suedi e Sllovaki, në 12 % nč Austri, Danimarkë, Hungari e Slloveni. Rreziqet
më të mëdha regjistrohen në Rumani (25% e popullsisë në rrezik), Bullgari 22%, Letoni
21%, Itali, Spanjë, Greqi 20%.