Agjencia ndërkombëtare për energjinë bërthamore mori përgjigjen nga Irani.
(29.10.2009 RV)Agjencia Ndërkombëtare për Energjinë Bërthamore mori më në fund
përgjigjen e Iranit në lidhje me propozimin për trasferimin e uranit për pasurim në
Rusi dhe në Francë. Drejtori i saj, Mohamed El Baradei tha se do të konsultohet me
të gjitha palët dhe uroi që të arrihet një marrëveshje sa më shpejt. Irani e përshëndeti
propozimin për ta pasuruar në Rusi uraniumin për shfrytëzim civil. Vendi i tij është
i gatshëm që të bisedojë në këtë pikë me vendet perëndimore, tha presidenti Mahmud
Ahmadinexhad, në një fjalim të transmetuar në televizion. Sipas këtij propozimi, Irani
do të përpunojë jashtë vendit në shufra bërthamore rreth 70 për qind të uraniumit
të tij të pasuruar lehtë dhe në këmbim do të heqë dorë prej pasurimit të uraniumit
në vend.