Статыстыка: у Беларусі дзейнічаюць больш за 3100 рэлігійных арганізацый.
Гэта 2953 рэлігійныя грамада і 152 рэлігійныя арганізацыі рэспубліканскага і агульнаканфесіянальнага
значэння (рэлігійныя аб'яднанні, манастыры, брацтвы, місіі, духоўныя навучальныя ўстановы)
25 канфесій і рэлігійных напрамкаў. Вядучае месца ў рэлігійным жыцці краіны займае
Беларуская праваслаўная царква (БПЦ). За апошнія 15 гадоў назіраецца значны рост праваслаўных
прыходаў (рэлігійных абшчын). Іх колькасць за гэты час узрасла амаль у 4 разы і склала
1400 праваслаўныя прыходы. Цяпер у БПЦ налічваецца 12 рэлігійных аб'яднанняў (Беларускі
Экзархат і 11 епархій), 5 духоўных навучальных устаноў, 28 манастыроў, 13 брацтваў,
9 сястрыцтваў. Епархіі маюць 1175 культавых будынкаў. Кадры свяшчэннаслужыцеляў рыхтуюцца
ў пяці навучальных установах БПЦ: Мінскай духоўнай Aкадэміі, Мінскай духоўнай семінарыі
ў.Жыровічах Слонімскага раёна Гродзенскай вобласці, Духоўным вучылішчы Віцебскай
епархіі, Мінскім духоўным вучылішчы Мінскай епархіі, Слонімскім духоўным вучылішчы
Навагрудскай епархіі. Умацоўваюцца пазіцыі Рымска-каталіцкай царквы (РКЦ), з якой
дзяржаўныя органы развіваюць канструктыўныя адносіны. У рэспубліцы 15-20 працэнтаў
насельніцтва - вернікі гэтай канфесіі. У РКЦ налічваецца 5 рэлігійных аб'яднанняў,
2 духоўныя навучальныя ўстановы, 8 манастыроў, 9 рэлігійных місій, 440 рэлігійных
грамад. РКЦ мае 435 касцёлаў, каля паўсотні знаходзяцца ў стадыі будаўніцтва. За
перыяд з 1988 Рымска-каталіцкай царкве дзяржавай было перададзена 295 аб'ектаў пад
рэлігійныя мэты. Забяспечанасць РКЦ культавымі будынкамі складае 89 працэнтаў і з'яўляецца
самай высокай сярод іншых канфесій у рэспубліцы. У РКЦ у Рэспубліцы Беларусь у прыходах
працуе за 380 cвятаслужыцеляў, з якіх большасць дагэтуль - замежныя грамадзяне (пераважна
з Рэспублікі Польшча). Кадры свяшчэннаслужыцеляў рыхтуюцца ў Гродзенскай і Пінскай
духоўных семінарыях. Пратэстанцкія рэлігійныя напрамкі ў Беларусі вядомы з XVI стагоддзя.
Цяпер у рэспубліцы дзейнічаюць 985 рэлігійных абшчын, 21 аб'яднанне, 22 місіі і 5
духоўных навучальных устаноў 14 напрамкаў пратэстантызму. Гістарычна традыцыйнае на
тэрыторыі рэспублікі лютэранства, якое прадстаўлена 27 абшчынамі і 3 аб'яднаннямі:
"Самастойнай евангелічна-лютэранскай царквой у Рэспубліцы Беларусь" (10 абшчын), "Саюзам
евангелічна-лютэранскіх абшчын у Рэспубліцы Беларусь" (6 абшчын), "Евангелічна-Лютэранскай
царквой у Рэспубліцы Беларусь" (5 абшчын), а таксама 6 абшчын з'яўляюцца аўтаномнымі.
Большасць вернікаў складаюць этнічныя немцы, што дае магчымасць вызначаць беларускіх
лютэран як адну з этнаканфесіянальных груп. Абшчыны пратэстанцкіх рэлігійных арганізацый,
як правіла, нешматлікія (20-25 чалавек), выключэнні складаюць абшчыны ў буйных населеных
пунктах. Паводле даных сацыялагічных даследаванняў, каля 2 працэнтаў вернікаў адносяць
сябе да пратэстантаў. Найбольш шматлікімі сярод пратэстанцкіх напрамкаў з'яўляюцца
аб'яднанні хрысціян веры евангельскай (493 абшчыны), евангельскіх хрысціян-баптыстаў
(267 абшчын), адвентыстаў сёмага дня (74 абшчыны), хрысціян поўнага Евангелля (54
абшчыны), сведкаў Іеговы (26 абшчын), Новаапостальскай царквы (21 абшчына).За апошнІя
гaды не адбылося значных змяненняў у 3 іудзейскіх і 2 мусульманскіх рэлігійных аб'яднаннях.