Ватыкан. Звычайна ў кастрычніку распачынаюцца навуковыя і навучальныя курсы Сусветнага
Касцёла ва ўстановах Рыму і Італіі для слухачоў з розных краін свету, што знаходзяцца
тут на вучобе ці практыцы.
Курсы, арганізаваныя каталіцкім таварыствам«Centesimus Annus» («Соты год») у супрацоўніцтве
і на базе Папскага Латэранскага універсітэта, прысвечаны сацыяльнай дактрыне Касцёла.
Яны будуць праходзіць па суботах і нядзелях адзін раз у месяц напрацягу зімовага
перыяду. Энцыкліка Папы Яна Паўла ІІ «Centesimus Annus», абнародаваная 1 мая 1991
г., прысвячалася стагодззю першай сацыяльнай энцыклікі «Rerum novarum» («Пра
новыя рэчы») Папы Льва 13. Цяперашнія - двухгадовыя курсы. Напрыканцы навучання
ўдзельнікаў чакае экзамен, пасля якога адбудзецца ўручэнне дыпломаў. Студэнты слухаюць
курс лекцый па эканоміцы і фінансам, грамадзянскім і канстытуцыйным праве. Першасная
ўвага будзе надавацца этычнаму боку кожнага пытання, а таксама аснове сацыяльнага
навучання - міласэрднасці і любові, якія павінны праяўляцца ў штодзённым жыцці на
ўсіх узроўнях соцыюма.
"Rerum Novarum" была адрасаваная ўсім біскупам Рымска-Каталіцкае
Царквы. Каб звярнуць асаблівае ўвагі на становішча працоўных. Вільгельм Эмануэль фон
Кеттелер і кардынал Хенры Эдвард Мэнінг паўплывалі на змест паслання. В энцыкліцы
разгледжаны адносіны між урадам, бізнесам, работнікамі і Царквою. Папа Леў 13 выказваецца
ў падтрымку правоў працоўных напачатку тэхнакратычнай рэвалюцыі, сцвярджае, што яны
павінны мець свае прадстаўніцтвы для абароны правоў - прафсаюзы, прычым, Папа тут
жа абвяргае соцыялістычную ідэялёгію, моцна сцвярджаючы права кожнага на прыватную
ўласнасць. Гэтая Энцыкліка паслужыла ў далейшым асноваю для працягу Папамі Піям 11
“Quadragesimo Anno” (1931), Янам 23 “Mater et Magistra”(1961) і ў параўнальна нядаўняй
- “Centesimus Annus” (1991).