Бэнэдыкт 16 на заканчэньне Сыноду Біскупаў:"... устань, Афрыкаснкі Касьцёл!"
Урачыстаю Сьвятою Імшою, якую адслужыў у Базыліцы Сьвятога Пятра Бэнэдыкт 16 ў
нядзелю 25-га кастрычніка, закончыў свае працы ў Ватыкане Сынод Біскупаў адносна Афрыкі.
У сваім казаньні ў часе гэтае Эўхарыстыі Папа зьвярнуў увагу, што тэма прац Сыноду:
- прымірэньне, справядлівасьць і мір, ахоплівае не толькі грамадзкі памер жыцьця.
Сягае да глыбіні чалавецтва ўказваючы на патрэбу наверненьня сэрца цераз адкрыцьцё
на Эвангэльле надзеі. Касьцёл выконвае ў гэтым кантэксьце сьвятарскую місію адносна
народаў і нацыяў, дзе ўчынкі любові і міласэрнасьці стаяць на прадаўжэньні сакрамэнтальнай
рэчаіснасьці “Устань Касьцёле
Афрыкі, Божая Сям”я, бо кліча цябе Нябесны Айцец, якога твае продкі клікалі як Стварыцеля,
раней, чым пазналі Яго міласэрную блізкасьць абьяўленую ў Адзінародным Сыне, Ісусе
Хрысьце. Уздымі дарогу новай эвангэлізацыі з адвагаю, якую дае Дух Сьвяты. Неадкладныя
эвангэлізацыйныя заданьні, аб якіх так многа гаварылася ў гэтых днях, зьмяшчаюць у
сабе заклік да прымірэньня. Гэта неабходная ўмова ўсталяваньня ў Афрыцы справядлівых
адносін паміж людзьмі ды збудаваньня справядлівага і трывалага міру ў пашане паасобнага
чалавека і кожнага народу; міру адкрытага на ўсіх людзей добрае волі незалежна ад
іхняе рэлігійнае, этнічнае, моўнае, культурнае ці сацыяльнае прыналежднасьці. У
гэтай забавязваючай місіі- працягваў Сьвяцейшы Айцец.- ты пілігрымуючы Касьцёле не
ёсьць сам. Малітваю і пасьпяховаю салідарнасьцю суправаджае цябе ўвесь Каталіцкі
Касьцёл, а з неба падтрымліваюць цябе Сьвятыя Афрыкі, якія сваім жыцьцём, часам аж
па мучаніцтва, далі сьведчаньне поўнае адданасьці Хрысту”. Адвагі! Устань, афрыкаснкі
кантынэнце, зямля, якая прыняла Збавіцеля сьвету, калі мусіў уцякаць у Ягіпет дзеля
ратаваньня жыцьця перад Ірадам. Прыймі з адноўленым энтузыязмам пасланьне Эвангэльля,
каб аблічча Хрыста магло асьвяціць сваім блескам разнароднасьць тваіх культур і моваў.
Ахвяроўваючы хлеб Слова і Эўхарыстыі Касьцёл ангажуецца таксама ўсялякімі даступнымі
сродкамі, каб кожны жыхар Афрыкі меў удоваль паўсюднага хлеба. Дзеля гэтага хрысьціяне
актыўна ўключаюцца ў разьвіцьцё чалавецтва”. – закончыў сваю прамову Папа Бэнэдыкт
16.