Сынод Біскупаў: жыхары Афрыкі, ў вашых руках- будучыня кантынэнту
“Афрыка, ўстань ды хадзі”—гэтае моцнае пасланьне прагучала 23-га кастрычніка ў
канчатковым пасланьні Сыноду для Афрыкі. Ён заклікаў Чорны Кантынэнт да пераадольваньня
адчаю і здольнась не траціць часу і ўзяць будучыню кантынэнту ў рукі самых Афрыканцаў.
Гэтае пасланьне было прачытанае ў Сынадальнай Зале ў прысутнасьці Папы Бэнэдыкта 16. Дакумант
накіраваны як да Касьцёла, так і да грамадзка-палітычных элітаў. Сьвятароў Сынод
заклікае да вернасьці цэлібату і не прывязвацца да матарыяльных даброў. Упрошвае
таксама сьвятых палітыкаў, якія пераадольваючы карупцыю будуць працаваць ў карысьць
супольнага дабра. Афрыканскія жанчыны пасланьне называе “хрыбетнікам грамадзтва”
і заахвочвае, каб больш іх дацэньваць. Асабліваю душпастырскаю апекаю паводле сынадальных
айцоў павінны быць ахопленыя дзеці і моладзь Афрыкі, бо гэта малады кантынэнт, аж
60-т працэнтаў яго жыхароў не скончыла яшчэ 25-га году жыцьця. Ад міжнароднае супольнасьці
Сынод дамагаецца пашаны для Чорнага Кантынэнту. Прапануе дараваньне замежнае запазычанасьці
ды ўстрыманьне рабунку натуральных даброў, што вядуць сусьветныя каапэратывы. Афрыка
таксама, як чытаем у пасланьні, не хоча ўжо даўжэй разам з гуманітарнаю дапамогаю
атрымліваць у падарунках ідэалогіі, якія нязгодныя з яе культураю, як напрыклад тых,
якія прапануюць аборт ці прэзэрватывы як адзінны мэтад барацьбы з хваробаю СНІД-у.
У канчатковым пасланьні Сыноду зьвернута таксама ўвагу на дыялог з ісламам ды неабходнасьць
большае турботы пра пашану рэлігійнае свабоды. У суботу 24-га кастрычніка сынадальныя
айцы прынялі канчатковую версію прапановаў, якія паслужаць Бэнэдыкту 16-му падрыхтаваць
постсынадальную апостальскую адгартацыю, якая будзе ўказваць актуальныя заданьні Каталіцкага
Касьцёла ў Афрыцы. Сынод Біскупаў закончыцца ў нядзелю 25-га кастрычніка Сьвятою
Імшою, якую адслужыць Папа на Плошчы Сьвятога Пятра