Балгарскае праваслаў"е на Захадзе за адзінствам з католікамі
Аб гэтым заявіў балгарскі праваслаўны біскуп Ціхан у часе сустрэчы з Папам Бэнэдыктам
16-м, сказаўшы ( паводле Л”Оссэрваторэ Романо”), што “мы мусім як найхутчэй асягнуць
еднасьць і нарэшце супольна служыць Сьвятую мшу. Людзі не разумеюць нашых падзелаў
і сварак. Трэба ўзмацаваць намаганьні адносна прыверненьня адзінства паміж католікамі
і праваслаўнымі”. Біскуп Ціхан ёсьць адказным у Балгарскім Патрыярхаце за душпастырства
ў Цэнтральнай і Заходняй Эўропе. У гэтых днях у Рыме адбылася сустрэча сьвятароў
і сьвецкіх дэлегатаў усіх парафій з гэтае тэрыторыі. На думку праваслаўнага герарха
незалежна ад тэалагічнага дыялогу, якога чарговы этап адбываецца цяпер на Кіпры, праваслаўныя
і католікі павінны імкнуцца да таго, каб змагчы разам стаць пры адным алтары.