Imzot Zimovski: binomi etikë e përshpirtëri është themelor në kujdesin për të sëmurët
(23.10.2009 RV)Të shihet i sëmuri jo vetëm si bartës i sëmundjes, por në radhë
të parë si njeri me nevoja të gjithanshme: kështu tha kryetari i Këshillit Papnor
për Baritorinë e Veprimtarëve të Shëndetësisë, kryeipeshkvi Zigmund Zimovski, në seminarin
“Etika e përshpirtëria e Shëndetësisë. Mjekësia tradicionale dhe plotësuese. Kërkime
e orientime të reja”. Mjekët, theksoi imzot Zimovski, duhet të kenë parasysh se “etika
dhe përshpirtëria përbëjnë thelbin e njeriut”, prandaj shërbimi ndaj të sëmurëve përqafon
të gjitha përmasat e personit: fizike, psiqike, shpirtërore e shoqërore.