Сынод Біскупаў адносна Афрыкі: прапановы для постсынадальнай Адгортацыі
У Сынадальнай Зале ў Ватыкане прадстаўлена нарыс прапановаў, якія паслужаць
Папе Бэнэдыкту 16-му пры пісаньні постсынадальнай апостальскай адгортацыі. Дамінуюць
у іх пытаньні, якія тычацца прымірэньня і міру. Гаворачы аб адносінах з іншымі рэлігіямі,
асабліва з ісламам, біскупы напамінаюць аб свабодзе культу і перасьцерагаюць перад
ўцягненьнем рэлігіі ў палітыку. Робяць заклік да Касьцёла, каб змагаўся з эзотэрычнымі
і магічнымі практыкамі Многа месца Сынадальныя Айцы прысьвячаюць праблеме разьвіцьця.
Паўторна прапануюць скасаваньне замежнае запазычанасьці. Пазітыўна адносяцца да мікракрэдытаў.
Успамінаюць таксама аб ахове асяроддзя, гандлю зброяю, абароне правоў эмігрантаў,
з якімі не можна паводзіцца як са злачынцамі. У прапановах ёсьць таксама гаворка
аб глабалізацыі. Яна павінна быць салідарная і шанаваць маральныя прынцыпы. Сынод
асуджае грабежную дзейнасьць міжнародных каапэратываў. Многа месца прысьвечана ў
прапановах хваробе СНІД-у. Яе пераадоленьне не ёсьць чыста фармацэўтычнаю праблемаю,
заўважылі біскупы, падкрэсьліваючы значэньне сужонскае вернасьці. У прапановах,
якія тычацца сэмінарыстаў падкрэсьлена патрэбу дбаньня пра чысьціню іхніх намераў.
Гаворачы ўканцы аб сьвятарах біскупы зрабілі заклік, каб фармавалі сваё жыцьцё па
прыкладу Хрыста, памятаючы аб забавязаньні да чыстаты і малітвы.