Агульная Аўдыенцыя Папы ў сераду 21-га кастрычніка
Адбылася яна на Плошчы Сьвятога Пятра. Прыбыло на яе многа вернікаў і паломнікаў
з кожнага кутку сьверу. У сваёй сёньняшняй катахэзе Папа Бэнэдыкт 16 працягваў
свае разважаньні пра Айцоў Царквы Прысьвяціў яе Сьвятому Бэрнарду з Клерво. Нарадзіўся ён
у 1090-м годзе ў Фонтэн, у Францыі. У маладым возрасьце ўступіў у манастыр у Сіто.
У 1152-м годзе быў пасланы Абатам Сіто ў Клерво, каб адкрыць там новы манастыр. У
ім увёў новы стыль манашага жыцьця- сказаў далей ў сваёй катахэзе Папа Бэнэдыкт 16,-
які прытрымліваўся ўбоства братоў і заангажаваньня ў карысьць ўбогіх. Учынкі міласэрнасьці
мелі выплываць з глыбокага абьяднаньня кожнага манаха і цэлай супольнасьці з Міласэрным
Хрыстом цераз Літургію і малітву. У гэтым самым годзе вёў багатую перапіску- сказаў
далей Сьвяцейшы Айцец.- якая зьбераглася як крыніца духоўных навукаў, актуальных па
сёньня. Да яго пісьмаў трэба дадаць шматлікія прамовы і трактаты. Многа месца Сьвяты
Бэрнард прысьвяціў адносінам паміж Хрыстом і Ягонаю Маці Марыяю. Заўсёды суправаджаў
іх эпіграф: “Цераз Марыю да Ісуса”. Сьвяты Бэрнард прызнаецца за аднаго з найбольшых
тэолагаў свайго часу. На заканчэньне аўдыенцыі Папа прывітаў ўсіх вернікаў, асабліва
хворых, моладзь ды новыя шлюбныя пары, надзяляючы на ўсіх сваё Апостальскае Блаславенства.