Нью-Йорк. Арцыбіскуп Челесціно Мільёрэ:"...Сур'ёзная і рашучая здольнасць дзяржаў
- членаў ААН супрацьдзейнічаць гандлю наркотыкамі, злачыннасці і тэрарызму вельмі
важныя. ААН мае рашучае значэнне ў кантролі за працэсамі..."
Пастаянны аглядальнік Святога Пасаду пры Арганізацыі Аб'яднаных Нацый зноў ўзвысіў
голас у Шкляным палацы ў закліку да функцыянавання міжнародных структур. Ён адзначыў
уклад Упраўлення ААН па наркотыках і злачыннасці, заўважыўшы, што "мы з радасцю канстатуем
спад наркатычнай прадукцыі і выкарыстання наркотыкаў у апошнія часы, хаця гэтая з'ява
па-ранейшаму негатыўна ўплывае на вялізныя рэгіёны і ўяўляе сур'ёзную праблему. Наркаманія
па-ранейшаму ёсць вялікаю перашкодай для развіцця асобы, грамадства і народаў."
Ватыканскі прадстаўнік прыпомніў для дзеячаў міжнароднай арганізацыі і яе структур
па цэлым свеце, што наркаманія тычыцца людзей кожнага сацыяльнага і эканамічнага статусу.
Ад галечнага земляроба на паражаных вайной тэрыторыях да багачоў вялікіх гарадоў,
бо злоўжыванне наркотыкамі ёсць крыніцаю даходу, эмацыянальнымі і псіхічнымі ўцёкамі,
фінансавым інструмантам, які разбурае як асобы, так і цэлыя сем'і ды нацыі. "Краіны
на шляху развіцця і народы, якія трываюць у галечы, асабліва паражаны разбуральнымі
наступствамі наркагандалю,"- прыгадаў арцыбіскуп Челесціно Мільёрэ на чарговай сесіі
ААН.