Sinodi për Afrikën: u paraqit një libër për Gjon Palin II
(17.10.2009 RV)Me një iniciativë pa precedent, punimet e Sinodit për Afrikën
i lanë vend paradite, paraqitjes së librit “Një Papë që nuk vdes” të Xhanfranko Sviderkoskit,
ish-zv.drejtor i gazetës vatikanase “L’Osservatore Romano”. Sot, ai është biograf
i Gjon Palit II. Vëllimi i botuar nga paolinet iu paraqit etërve sinodalë nga sekretari
i përgjithshëm i Sinodit, imzot Nikola Eteroviç, në praninë e Papës Benedikti XVI.
Vëmendja e sinodit për Papën Vojtila, për të cilin ka filluar procesi i lumnimit,
u tregua edhe në ditët e kaluara me përkujtimin e Sinodit të parë për Afrikën dhe
të Këshillimit Apostolik “Ecclesia in Africa”, nënshkruar nga vetë Shërbëtori i Zotit,
Vojtila.