Ватыкан. Заля друку Святога Пасаду падала да ведама, што Папа Бенедыкт 16 у азнаменаванне
21 Дня паглыблення і развіцця дыялогу між католікамі і юдэямі наведае рымскі Ізраільскі
храм.
Дата візіту Папы Рымскага ў сінагогу - 17 студзеня 2010 году. Гэты дзень - "Свінцовы
маэд" - свята яўрэяў Рыму, самай старажытнай грамады рассеяння яшчэ з дахрысціянскіх
часоў. Даволі нядаўняя для Вечнага горада дата яго адзначэння : у 1793 годзе група
злодзеяў падпаліла яўрэйскае гета Рыму з запальваючымі рэчывамі, ды так моцна, што
нават папскія гвардзейцы не здольвалі загасіць пажар. Але ўраган, які раптоўна наляцеў,
дасланы Боскім провідам - як лічаць праведныя яўрэі, адразу згасіў полымя. Неба
здабыло свінцовы, цёмна-шэры колер спасярод яснага дня. Грамада рымскіх яўрэяў паклялася
назаўсёды захаваць у памяці пакаленняў Дзень выратавання гета, на тэрыторыі якога
ў 1905 годзе вырас цудоўны Ізраільскі храм у стылі "лібэрці" на месцы 5 школ - 5
маленькіх сінагог розных абрадаў пад адным дахам, прадстаўнікі якіх адвечна тут жылі
і жывуць. Зараз - у квітнеючым квартале гістарычнага цэнтра Рыма непадалёк ад Капіталійскага
халма. Прыгадаем, што першым Рымскім Папам, які наведаў гэты храм, стаўся Папа Ян
Павел Другі ў красавіку 1986 году.