Пачаўся другі тыдзень прац Сыноду Біскупаў для Афрыкі
Сынадальныя Айцы абмяркоўваюць у часе пасяджэньняў справы сужонсьтваў, сям»і,
жанчын, натуральных рэсурсаў Афрыкі, яе канфліктаў, бежанцаў ці карупцыі. Напрыклад
біскуп з Танзаніі сказаў, што трэба было б праверыць практыку і катахэзу адносна
мешаных шлюбных параў паміж хрысьціянамі розных веравызнаньняў таму, што часта яны
прыводзяць да напружаньняў і рэлігійнай абыякавасьці. У іншых выступленьнях падкрэсьлівана
патрэбу душпастырства сем»яў, пачынаючы ужо ад падрыхтовак да сужонства. Адзін з
нігерыйскіх біскупаў гаварыў аб практыкаванай ў племеніі, з якога ён паходзіць, дыскрымінацыі
паміж, як сказаў, так званымі «народжанымі на свабодзе» а «нявольнікамі». Ім забараняецца
заключаць паміж сабою шлюбны саюз. Гэтая дрэнная традыцыя ўтрымліваецца нават сярод
католікаў, хаця дзякуючы намаганьням душпастыраў пачынаецца яе пераадольваць. Падкрэсьлена
таксама вялікі ўклад афрыканскіх жанчын у грамадзтва і Касьцёл ды іхняе цярпеньне
з прычыны несправядлівасьці ды насільля. Уздымаючы паўсюдную ў Афрыцы праблему
чараў напрыклад біскуп з Нігэрыі прыпомніў, што сілы зла сапраўды існуюць, як пацьвярджае
Біблія. У кожнай дыяцэзыі павінен быць экзарцыст, каб ратаваць вернікаў перад практыкамі
чароўнікаў. Працы Сыноду працягваюцца.