Hilari Klinton: Nuk ka ardhur ende koha për sanksione të tjera kundër Iranit.
(13.10.2009 RV)“Nuk ka ardhur ende koha për t’i vënë sanksione të tjera ekonomike
Iranit.” Kështu deklaroi sekretarja e shtetit Hilari Klinton gjatë një konference
për shtyp të përbashkët me ministrin e jashtëm rus Sergej Lavrov në lidhje me bisedimet
për programin bërthamor iranian. Hilari Klinton tha se është e një mëndjeje me
deklaratat e fundit të presidentit rus Dimitri Medvedjev që sanksionet kundër Teheranit
do të jenë të pashmangshme nëse republika islamike do të vazhdojë t’i pengojë kërkesat
e fuqive të mëdha për pezullimin e programit bërthamor. Më pas sekretarja e shteti
Klinton tha se gjatë bisedimeve të zhvilluara për problemin iranian në fund të Asamblesë
së Përgjithshme të OKB-së në Nju Jork, Moska bashkëpunoi ngushtë me SHBA. Po ashtu,
ministri i jashtëm rus Lavrov deklaroi se SHBA dhe Federata Ruse bënë përparime të
dukshme për Traktatin e ri të reduktimit të armëve strategjike.