Կիրակնօրեան աւետարանական ընթերցում

Կիրակի 11 հոկտեմբեր, Ե. կիրակի զկնի Խաչի։

Կիրակնօրեան աւետարանական ընթերցում

Կիրակի 11 հոկտեմբեր, Ե. կիրակի զկնի Խաչի։

Ընթերցում Սուրբ Մարկոսի Աւետարանէն գլուխ 12, թիւ 35-44 համարները



Ընթերցում Սուրբ Մարկոսի Աւետարանէն



³⁵Յիսուս Տաճարին մէջ կը սորվեցնէր եւ կ'ըսէր. ''Ի՞նչպէս դպիրները կ'ըսեն թէ Քրիստոս Դաւիթի որդին է, ³⁶մինչ ինք` Դաւիթ, Սուրբ Հոգիէն ներշնչուած` կ'ըսէ.

Տէրն ըսաւ իմ Տիրոջս. բազմէ աջ կողմս մինչեւ որ բոլոր թշնամիներդ պատուանդան դնեմ ոտքերուդ առջեւ։

³⁷Եթէ Դաւիթ զինք Տէր կը կոչէ, ի՞նչպէս կրնայ անոր որդին ըլլալ։'' Եւ բազմութիւնը հաճոյքով մտիկ կ'ընէր Յիսուսի։

³⁸Յիսուս կ'ըսէր իր վարդապետութեան մէջ. ''Զգուշացէք դպիրներէն, որոնք կը սիրեն շրջիլ լայն հագուստներ հագած, ողջոյններ ընդունիլ հրապարակներու վրայ, ³⁹առաջին տեղերը գրաւել ժողովարաններու եւ խնջոյքներու մէջ։ ⁴⁰Այրիներու ինչքերը կ'ուտեն եւ տեսնուելու համար` կ'երկարեն իրենցս աղօթքները։ Ասոր համար աւելի խիստ դատապարտութեան պիտի ենթարկուին։''

⁴¹Գանձերու սրահին դիմաց նստած, Յիսուս կը դիտէր թէ ի՞նչպէս մարդիկ դրամ կը դնէին գանձանակին մէջ։ Բազմաթիւ հարուստներ շատ դրամ ձգեցին։ ⁴²Աղքատ այրի մը եկաւ եւ ձգեց միայն երկու լումայ, որ կ'ընեն մէկ նաքարակիտ։ ⁴³Յիսուս աշակերտները կանչեց եւ ըսաւ. ''Ճշմարիտ կ'ըսեմ ձեզի, այս աղքատ այրին աւելի դրաւ գանձանակին մէջ քան միւս բոլոր հարուստները. ⁴⁴Որովհետեւ ասոնք դրին` իրենց աւելորդէն առնլով, իսկ անիկա իր չքաւորութեան մէջ, դրաւ` ինչ որ ունէր իր ապրուստին համար։