Në Kretë, vijon mbledhja plenare e Komisionit “Fe e Kushtetutë” e Këshillit Ekumenik
të Kishave (7-14 tetor).
(11.10.2009 RV)“Një dëshirë e thellë për unitet i shtyu Kishat të takohen në
Kretë, për të zbuluar rrugët e mundshme që çojnë drejt bashkimit”. Me këto fjalë imzot
Gregori Xhejms Feirbanks paraqiti gjendjen shpirtërore me të cilën 120 anëtarët e
kishave përkatëse marrin pjesë në sesionin plenar të Komisionit “Fe e Kushtetutë”
të Këshillit Ekumenik të Kishave (Wcc), mbledhur pranë Akademisë ortodokse të Kolimparit,
në Kretë.Tri janë temat kryesore, rreth të cilave diskutohet: ç’do të thotë Kisha;
burimet e autoritetit e të gjykimit moral. Komisioni po analizon qëndrimin që duhet
të mbajnë Kishat mbi çështjet e ndërlikuara si prozelitizmi, homoseksualiteti dhe
kërkimet në fushën e qelizave staminale. Pyetjes mbi shpresat e lëvizjes ekumenike,
don Xhejms Puljisi, drejtor i ‘Qendrës për bashkim’ dhe anëtar i delegacionit katolik,
iu përgjigj: “ Kishat anëtare të Komisionit Fe e Kushtetutë po punojnë për këtë qëllim
që nga viti 1927, duke bërë hapa të dukshme përpara, gjë që e vërteton dokumenti i
marrëveshjes mbi Pagëzimin, Eukaristinë dhe shërbimin meshtarak”.