Герта Мюлер ляўрэатам Нобэлеўскай прэміі ў галіне літаратуры
Ляўрэаткай Нобэлеўскай прэміі ў галіне літаратуры зьяўляецца нямецкая пісьменьніца
Герта Мюлер. Швэдзкая Каралеўская акадэмія навук паясьніла сваё рашэньне фактам, што
ў сваіх кнігах нямецкая літаратарка „з паэзіяй і адкрытасьцю апісвае краявід выгнаньня”. Народжаная
ў Румыніі Герта Мюлер лічыцца адной з найбольш выдатных постацяў сучаснай нямецкай
літаратуры. Ейныя кнігі перакладзеныя на 20 моваў. Ляўрэатка сёлетняй Нобэлеўскай
прэміі ў галіне літаратуры нарадзілася ў 1953 годзе ў Румыніі. Пасля заканчэньня факультэту
германістыкі й раманістыкі працавала перакладчыцай і настаўніцай нямецкай мовы. За
адмову супрацы з румынскімі камуністычнымі спэцслужбамі была звольненая з пасады.
Пісаць кнігі пачала ў 1984 годзе, але да 1987 году, калі пераехала ў ГДР, ейныя кнігі
не публікаваліся па забароне румынскіх уладаў. Герта Мюлер жыве й працуе ў Нямеччыне.