Sot me 8 tetor kalendari Kishtar kremton festën e Shën Pelagesë
(08.10.2009 RV)Pelageja ishte një vajzë e re nga Antiokia, që u martirizua për besnikërinë
dhe fenë e saj në Krishtin, gjatë persekutimit të Dioklecianit. Ishte pra vetëm 15
vjeçe, kur e dëshmoi një mënyrë krejt të jashtëzakonshme besimin e vet në Jezu Krishtin.
Ushtarëve, që shkuan në shtëpinë e saj për ta marrë e për ta nxjerrë para gjykatës,
e cila sigurisht do ta dënonte, sepse e krishterë, Pelageja u kërkoi leje të ndërronte
rrobat e veshjes. Posa iu dha leja, ajo u ngjit në katin e epërm të shtëpisë dhe,
duke e ditur mirë se çka e priste trupin e saj të bukur, e për t’i iku përdhunimit,
u hodh nga dritarja. Deshi kështu të dilte pa asnjë njollë para Dhëndrit Hyjnor.
Martiriologu Romak kujton katër shenjtore me këtë emër, ndërmjet të cilave, martirja
që kremton sot Kisha katolike.