Koncert përkujtimor, kushtuar 70-vjetorit të fillimit të Luftës II Botërore, në praninë
e Papës dhe të Presidentit italian, Napolitano.
(08.10.2009 RV)Benedikti XVI dhe Presidenti i Republikës italiane, Xhorxho
Napolitano, ndoqën sonte, në Auditorin e Rrugës së Pajtimit, në Romë, koncertin e
titulluar “Të rinjtë kundër luftës”. Shfaqja, që filloi në orën 18.30, inkuadrohet
në kremtimet kushtuar përkujtimit të 70-vjetorit të fillimit të Luftës II Botërore.
Protagoniste, orkestra gjermane Ndër-rajonale, JugendsinfonieOrchester, drejtuar nga
Johem-Hohshtenbah e Volfgang Gënenvain, luajti pjesë të zgjedhura nga kompozimet e
muzikantëve Gustav Mahler e Felix Mendelson-Bartoldi, të dy artistë me prejardhje
hebraike, që u kthyen më pas në fenë e krishterë: Mahler, në fenë katolike e Mendelson,
në atë protestante. E që të dy u detyruan të ballafaqohen me antisemitizmin e me urrejtjen
racore. Ja pse u zgjodh muzika e tyre e jehuan lirisht, tingujt e ndaluar gjatë regjimit
nazist. Koncerti u organizua nga Këshilli Papnor për nxitjen e bashkimit të të
krishterëve dhe Komisioni i Selisë së Shenjtë për marrëdhëniet fetare me hebraizmin,
në bashkëpunim me ambasadën e Gjermanisë pranë Selisë Apostolike.