Guantanamo: Kongresi amerikan i gatshëm për një ligj.
(08.10.2009 RV)Kongresi amerikan, që deri tani e kishte kundërshtuar planin
e Barak Obamës për ta mbyllur bazën e Guantanamos, është i gatshëm të miratojë një
ligj që iu lejon të burgosurve të transferohen në SHBA për t’iu nënshtruar një procesi
gjyqësor, ushtarak ose civil. Në të njëjtën kohë Kongresi do të japë edhe 42,8 miliardë
dollarë për departamentin e Sigurisë Kombëtare. Udhëheqësit e shumicës demokratike
kanë besim se shumë shpejt ligji për transferimin e të burgosurve do të miratohet
duke zgjidhur kështu një problem të rëndësishëm për drejtësinë amerikane.