Агульная Аўдыенцыя Сьвяцейшага Айца ў сераду 7-га кастрычніка

Адбылася яна на Плошчы Сьвятога Пятра. Прыбыло на яе многа вернікаў і паломнікаў з кожнага кутку сьверу.
У сваёй сёньняшняй катахэзе Папа Бэнэдыкт 16 працягваў свае разважаньні пра Айцоў Царквы

Сьвяты Ян Леонарді нарадзіўся ў Д”ечымо, каля Люкі, Італія, ў 1541-м годзе ў шматдзетнай сям”і. З пачатку быў аптэкарам. Ад маладосьці захоплены духоўным жыцьцём закончыў тэалагічны факультэт і прыняў сьвятарскія сьвядчыны ў 1572-м годзе. Уздымаючы апасталят сярод моладзі- сказаў Папа ў часе сёньняшняе аўдыенцыі,- заснаваў таварыства Хрысьціянскае Дактрыны з якога ў 1574-м годзе ўзьнік Закон Рэгулярных Клерыкаў Божае Маці.
У асаблівы спосаб Ян Леонарді прапаведываў культ Эўхарыстыі ды патрэбу папулярызацыі правоў катахізісу- сказаў далей Бэнэдыкт 16 ў сваёй сёньняшняй катахэзе. У прапановах перададзеных новавыбранаму Рымскаму Папе Паўлу 5-му ўказаў неабходнасьць аднаўленьня і рэформы Касьцёла, якая павінна ахопліваць не толькі структуры але перад усім чалавечыя сэрцы.
У гадах 1602-1603 разам з Янам Вівэсам з думкаю аб місіях даў пачатак дзейнасьці Ватыканскай Кангрэгацыі Распаўсюджваньня Веры. Апякуючыся хворымі братамі свайго Зграмаджаньня сам стаў ахвяраю эпідэміі. Памёр Ян Леонарді 9-га кастрычніка 1609-га году. Ягоная кананізацыя адбылася ў 1938-м годзе. Ёсьць Патронам Аптэкароў. Ягоная духоўнасьць, якая абапёртая на вынятковым абажаньні Хрыста і Марыі- сказаў на заканчэньне аўдыенцыі Сьвяцейшы Айцец,- хай будзе заахвочаньнем для нас ўсіх да адважнага і радаснага жыцьця сваім пакліканьнем.
На заканчэньне аўдыенцыі Папа прывітаў ўсіх вернікаў, асабліва хворых, моладзь ды новыя шлюбныя пары, надзяляючы на ўсіх сваё Апостальскае Блаславенства.