Çmimin Nobel për Kimi e ndajnë 3 shkencëtarë që bënë kërkime shkencore mbi jetën.
(07.10.2009 RV)Dy shkencëtarë nga Shtetet e Bashkuara e një nga Izraeli e ka
fituar Çmimin e sivjetmë Nobel për kimi për kërkimet e tyre në pjesët e qelizave të
njohura si ribozome e realizimin e hartës së ribozomit, zbulim ky thelbësor për antibiotikët.
Komiteti i Nobelit në Stokholm tha se Venkatraman Ramakrishnan, Tomas Stejc dhe
izraelitja Ada Xhonat, do ta ndajnë mes tyre në pjesë të njëjta çmimin në vlerë prej
10 milionë kruna suedeze. Fituesit i shpalli sekretari i përgjithshëm i Akademisë
Mbretërore të Shkencave Guner Okuist. "Këtë vit Çmimi shkon për studimet mbi mënyrën
se si kodi i ADN së përkthehet në jetë", tha Okuist. Ribozomet janë vendimtare për
jetën dhe ato prodhojnë proteina, të cilat i kontrollojnë përbërjet kimike në të gjitha
organizmat e gjallë.