Ակնարկ Մը Ազգային Ու Միջազգային Դէպքերուն։

 Ակնարկ Մը Ազգային Ու Միջազգային Դէպքերուն։



ԵԱՀԿ ՄԻՆՍՔԻ ԽՄԲԱԿԻ ՀԱՄԱՆԱԽԱԳԱՀՆԵՐԸ ՊԱՔՈՒ ԿԱՅՑԵԼԵՆ։
Երէկ ԵԱՀԿ Մինսքի խմբակի համանախագահները, ինչպէս նաեւ ԵԱՀԿ նախագահի յատուկ ներկայացուցիչը Պաքու այցելած են։ Զանգուածային լրատուամիջոցները կը հաղորդեն, որ այցելութեան ծիրին մէջ նախատեսուած է համանախագահներու հանդիպումը Ազրպէյճանի նախագահ Իլհամ Ալիեւի հետ։
Նշենք, որ շրջանային այցելութեան ծիրին մէջ Լեռնային Ղարաբաղի հակամարտութեան կարգաւորումով զբաղուող ԵԱՀԿ-ի Մինսքի խմբակի համանախագահները արդէն այցելած են Հայաստան ու Լեռնային Ղարաբաղ, ուր հանդիպած են նախագահներ Սերժ Սարգսեանի եւ Բակօ Սահակեանի հետ։

ՍԱՐԳՍԵԱՆ ԼԻԲԱՆԱՆ ԿԸ ԺԱՄԱՆԷ։ Այսօր Լիբանան կը ժամանէ Հայաստանի Հանրապետութեան նախագահ Սերժ Սարգսեան, որուն առաքելութիւնն է հանդիպումներ ունենալ համայնքի ներկայացուցիչներուն հետ՝ քննարկելու համար հայ-թրքական նախաստորագրուած արձանագրութիւնները, որոնք արդէն ստորագրման սեմին կը գտնուին։ Հայաստանի նախագահ Սերժ Սարգսեանի Լիբանան այցելութեան առիթով, կազմակերպութեամբ Լիբանանահայ երիտասարդական եւ ուսանողական միութիւններուն, երկուշաբթի, 5 հոկտեմբեր 2009-ին, կէսօրէ ետք ժամը 6։00-ին, Լիբանանի մէջ Հայաստանի դեսպանատան կողքին տեղի ունեցած է բողոքի ցոյց մը՝ մասնակցութեամբ շուրջ 150 հայորդիներու։


ՍԱՐԳՍԵԱՆ-ՊԱՐԱՔ ՕՊԱՄԱ ՀԵՌԱԽՕՍԱՅԻՆ ԿԱՊ։
Լոս Անջելեսի մէջ Հայաստանի նախագահ Սերժ Սարգսեան հեռախոսազրույց ունեցած է Միացեալ Նահանգներու նախագահ Պարաք Օպամայի հետ: Հայաստանի նախագահի մամլոյ գրասենեակի վկայութեամբ` հեռախոսազրոյցը տեղի ունեցած է Օպամայի նախաձեռնութեամբ:Նոյն աղբիւրի համաձայն ` Պարաք Օպամա իր սատարումը յայտնած է Հայաստանի նախագահին հայ - թրքական յարաբերություններու կարգաւորման ուղղութեամբ գործադրուած ջանքերու համար: ԱՄՆ-ի նախագահը անգամ մը եւս վերահաստատած է ԱՄՆ-ի պաշտօնական դիրքորոշումը, որ հայ - թրքական յարաբերություններու կարգաւորման գործընթացը պետք է ընթանայ առանց որեւէ նախապայմանի եւ պետք չէ կապուի Լեռնային Ղարաբաղի հակամարտութեան կարգաւորման գործընթացի հետ: Սերժ Սարգսեանը շնորհակալութիւն յայտնած է Միացեալ Նահանգներու նախագահին` հայ - թրքական գործընթացին ցուցաբերած աջակցութեան համար, եւ ներկայացուցած իր համահայկական ուղեւրութեամբ ստացած տպաւորությունները: Հայաստանի նախագահը ընդգծած է, որ աշխարհասփիւռ հայութեան մտահոգութիւնները եւ մտավախութիւնները գործընթացի վերաբերեալ բնական են` նկատի առնելով այն փաստը, որ հայ ժողովուրդը Օսմանեան Թուրքիայի կողմէ ենթարկուած է Ցեղասպանութեան, որու մասին Պարաք Օպաման բազմիցս է նշած իր ելոյթներով։
Սերժ Սարգսեանը շնորհակալութիւն յայտնած է Պարաք Օպամային` ԵԱՀԿ-ի Մինսկի խմբի շրջանակներում ԱՄՆ-ի կողմէ կատարուած հսկայական միջնորդական աշխատանքի համար, եւ ընդգծած Հայաստանի պատրաստակամութիւնը առաջ տանելու հիմնախնդրի խաղաղ կարգաւորման ուղղութեամբ, ինչի առանցքը պետք է լինի Լեռնային Ղարաբաղի ժողովրդի ազատ կամքով արտահայտությամբ իր վերջնական իրաւական կարգավիճակի որոշումը, որը եւ ընկած է Մինսկի խմբի կողմից ներկայացուած Մատրիտյան սկզբունքներու հիման վրայ։

Ես սպասում եմ այն բանին, ինչ որ կոչվում է Հայոց Ցեղասպանության ճանաչում( կ՝ըսէ ՇԱՌԼ ԱԶՆԱՒՈՒՐ) ։ «Հրաշալի բան է նախաձեռնում Նախագահը»,- այս կարծիքը յայտնած է աշխարհռչակ երգիչ Շառլ Ազնավուրը ՀՀ նախագահ Սերժ Սարգսեանի՝ համահայկական ուղևորութեան վերաբերեալ: Շառլ Ազնավուրը ողջունած է հայ-թրքական յարաբերութիւններու կարգաւորման գործընթացը. «Ես հանգիստ մարդ եմ, ես սպասում եմ այն բանին, ինչ որ ֆրանսերեն կոչվում է J'attends la reconnaissance du Genocide Armenien (Հայոց Ցեղասպանության ճանաչում)»: Ես ոչինչ չունեմ թուրք ժողովրդի դեմ, ես կարծում եմ, որ ես թերևս թուրք ժողովրդի բարեկամ եմ, բայց Ջարդի խնդիրը բացարձակապես կարևոր է»: