Сынод для Афрыкі аб касьцельнай місіі прымірэньня на Чорным Кантынэнце
Першым узяў голас Гэнэральны Сакратар Сыноду Біскупаў арцыбіскуп Ніколя Этэровіч.
У сваім выступленьні ён зьвярнуў увагу на вялікі дынамізм эвангэлізацыі Афрыкі. На
працягу апошніх 30-ці гадоў наступіў трох разовы узрост лічбы католікаў на гэтым кантынэнце:
ад 55-ці мільёнаў у 1978-м годзе да амаль 165-ці на сёньняшні дзень. Католікі становяць
каля 17.5 працэнтаў усяго насельніцтва кантынэнту. На працягу 15-ці гадоў, якія прамінулі
ад першага Спэцыяльнага Зграмаджаньня Сынроду Біскупаў для Афрыкі, Касьцёл разьвіваецца
там вельмі дынамічна. Найбольшае разьвіцьцё заўважваецца, калі справа ідзе пра лік
сьвятароў, якіх лічба павялічылася ў гэтым пэрыядзе на 49-ць працэнтаў ды сьвецкіх
місіянароў, якіх лік пабольшыўся ў два разы. Гэнэральны Сакратар Сыноду прыпомніў,
што ў апошніх 15-ці гадах загінула там паў тысячы асоб, як сьвятароў так і законнікаў
ды сьвецкіх асоб, якія былі заангажаваныя ў душпастырства на гэтым кантынэнце. Затым
узяў голас кардынал Турксон з Ганы. На ягоную думку вобраз Афрыкі ёсьць надалей вельмі
зменлівы. “З аднаго боку маем посьпехі на ніве эвангэлізацыі і ўзрост мясцовых Касьцёлаў,
а з другога боку мы бачым галечу і зло гэтага кантынэнту. У адным месцы мы бачым
адвагу місіянароў, ў іншым недахоп заангажаваньня людзей Касьцёла, ўзрост сэктаў,
палітычны ўплыў ісламу і неталерантнасьць адносна яго крытыкаў. У яшчэ іншым месцы
мы назіраем развіцьцё дэмакратыі і пастаянны ўзрост грамадзка-культурнай, эканамічнай
і палітычнай сьвядомасьці, ў іншым месцы дэспатычныя рэжымы, карупцыю ды ўзрост убоства”-
сказаў кардынал Турксон. Афрыка ёсьць масс-мэдыямі абвінавачвана ва ўсіх рэчах, якіх
чалавецтва не можа з цярпець,-- надыйшоў аднак час, каб зьмяніць гэтую тэндэнцыю і
сказаць з сімпатыяю праўду аб Афрыцы”- сказаў афрыканскі кардынал. А на прэсс-канфэрэнцыі
ён сказаў, між іншым, што для затрыманьня эпідэміі СНІД-у ў Афрыцы магчмым ёсьць прымяненьне
прэзэрватываў. “Калі б прыйшоў да мяне чалавек заражаны гэтаю хваробаю, я намагаўся
б яму дапамагчы ды праявіць псіхалагічную падтрымку. Факт заражаньня павінен яго
схіліць да ўстрыманасьці. У кожным разе я даручыў-бы яму прымяняць прэзэрватывы,
хаця ў Афрыцы і гэта можа быць часта рызыкоўным”- сказаў кардынал Турксон. На ягоную
думку “прымяняньне прэзэрватываў ёсьць істотным, але таксама трэба прыпомніць аб вернасьці
ўнутры шлюбнага саюзу, дзеля гэта заклікі пра прымяняньня прэзэрватываў павінны ісьці
ў пары са шлюбнаю вернасьцю”.