Бэнэдыкт 16 на распачацьце Сыноду Біскупаў для Афрыкі: каланіялізм яшчэ не закончыўся
4-га кастрычніка ў часе Сьвятой Імшы адслужанай ў Базыліцы Сьвятога Пятра на распачацьце
гэтага Сыноду, Папа прыпомніў, “што Афрыка зьберагае неацэнны скарб для цэлага сьвету:
менавіта сваё глыбокае пачуцьцё Бога”. “Калі гаворка ідзе пра скарбы Афрыкі, думаецца
аб яе багатых рэсурсах, якія на жаль сталіся і надалей ёсьць прычынаю эксплуатацыі,
канфліктаў і карупцыі- сказаў Бэнэдыкт 16. За тое Слова Божае паказвае нам іншыя
багацьці: духа і культуру. Чалавецтва патрабуе іх яшчэ больш чым сыравіны. “Бо што
за карысьць чалаавеку, калі б аддаў ўвесь сьвет, а душы сваёй шкоду ўчыніў-бы” ( Мр.
8,36)- сказаў Ісус. Далей ў сваім казаньні Папа падкрэсьліў, што з гэтага пункту
гледжаньня Афрыка становіць вялікія духоўныя “лёгкія” для чалавецтва, якое церпіць
крызіс веры і надзеі. Аднак гэтыя “лёгкія” могуць захварэць на практычны матарыялізм
спалучаны з рэлятывізмам і нігілізмам. Заходні сьвет часта высылаў атручваючыся духоўныя
адходы, якія заражвалі насельніцтва Афрыкі,- заўважыў Сьвяцейшы Айцец. У гэтым кантэксьце
каланіялізм, якога няма ўжо на палітычнай плоскасьці, ніколі яшчэ поўнасьцю не скончыўся.
Аднак менавіта ў гэтай самай пэрспэктыве трэба паказаць другі “вірус”, які можа крануць
таксама Афрыку, менавіта рэлігійны фундамэнталізм, зьмешаны з палітычнымі ды эканамічнымі
інтарэсамі. Групы, якія спасылаюцца да розных рэлігійных прыналежнасьцей пашыраюцца
на афрыканскім кантынэнце. Робяць гэта ў “імя Бога”, але згодна з логікаю супраціўнай
боскай, значыць абвяшчаючы і практыкуючы не любоў і пашану свабоды, але неталерантнасьць
і насільле”.- сказаў Бэнэдыкт 16. У казаньні Папа крануў таксама праблемы афрыканскіх
сем”яў ды дзяцей. Прыпомніў, што Касьцёл у Афрыцы і на цэлым сьвеце праяўляе мацярынскую
любоў найменшым, таксама і тым, якія яшчэ не нарадзіліся. Пантыфік спаслаўся ўканцы
да тэмы цяперашняга Сынолу, якая гучыць: “Касьцёл у Афрыцы ў служэньні прымірэньню,
справядлівасьці і міру”. “Вы ёсьць солю зямлі... вы ёсьць сьвятлом сьвету” ( чытаем
у Эвангэльлі ад Матэя). Сьвяцейшы Айцец сказаў, каб стаць сьвятлом і солю трэба сьвятасьці
сьвятароў і сем”яў. “Сваёю эвангэлізацыяю і павышэньнем чалавека Касьцёл можа многа
даць усяму грамадзтву ў Афрыцы, дзе на жаль розныя краіны зазнаюць убоства, нясправяддлівасьці,
насільля і войнаў. Касьцёл як супольнасьць людзей прыміраных з Богам і паміж сабою
ёсьць пакліканы, каб быць прароцтвам і рошчынаю прымірэньня розных этнічных, моўных
а таксама рэлігійных груп”- падаў Сьаяцейшы Айцец.