Rasti i volitshëm i Gjenevës bisedimet e grupit 5+1 me Iranin
(01.10.2009 RV)Pritje e shpresa për bashkëbisedimet që fillojnë sot në Gjenevë
ndërmjet përfaqësuesit të Iranit e grupit pesë plus një (anëtarët e permanent të Këshillit
të sigurimit të OKB-së: SHBA-së, Rusia, Britania e Madhe, Franca e Kina; plus Gjermania).
Burimet zyrtare të Administratës Obama kanë pohuar se SHBA-së nuk kërcënojnë Teheranin
me sanksione të reja nëse nuk e ndal pasurimin me uranium, por janë duke u përgatitur
ka bëjnë këtë nëse paraqitet nevoja. “Ai i ditës sotme është shtegu i impenjimit të
përbashkët, e jo ai i presionit”, shpjegojnë burimet, duke shtuar se sidoqoftë SHBA-së
janë duke përgatitur një seri zonash” të cilave duhet t’u vihen sanksionet nëse Teherani
do të injorojë kërkesat e bashkësisë ndërkombëtare lidhur me programin bërthamor të
Iranit. SHBA-së në mënyrë të veçantë duan t’i shfrytëzojnë bashkëbisedimet e sotme
të Gjenevës për të arritur deri te një takim bilateral me iranianët, i cili do të
ishte shkëmbim i rëndësishëm dhe i thellë ndërmjet përfaqësuesve të Uashingtonit
e Teheranit që nga revolucioni islamik i 30 vjetëve më parë. Kështu shkruan sot “Uashtington
Post” duke cituar burimet e Administratës amerikane që shpjegojnë se si takimi i kësaj
natyre do të ishte “një rast i volitshëm për të ripohuar shqetësimet kryesore që ne
do t’i nënvizojmë gjatë bisedimeve”.