(30.9.2009 RV)Papa Benedikti XVI ka bërë sot disa emërime të reja në Këshillin
Papnor për familjen. Kështu bënë të ditur Salla e Shtypit e Selisë së Shenjtë, përmes
një deklarate. Ndër anëtarčt e Komisionit të presidencës hyn kard. Dionigi Tettamanzi,
kryeipeshkëv i Milanos, qytet ku do të mbahet Takimi i ardhshëm Botëror i Familjeve
në vitin 2012, së bashku me kard. Saen Patrick O’Malley, kryeipeshkëv i Bostonit,
me kard. Odilo Pedro Schrerer, kryeipeshkëv i Shën Palit të Brazilit dhe patrikun
latin të Jerusalemit, imzot Fouad Twal. Më tej Ati i Shenjtë Jozef Racinger ka
emëruar edhe një numër të madh Anëtarësh të këtij Këshilli Papnor nga Vendet e ndryshme
të botës dhe së fundit edhe Këshilltarë të këtij Organizmit të Selisë së Shenjtë nga
fusha të ndryshme si sociologë, psikologë, studiues të drejtësisë, të ekonomisë e
fushave tjera.