Në Strasburg zhvillohen punimet e Asamblesë së Këshillit të Evropës.
(29.09.2009 RV)Gjendja në Kaukazin verior dhe qëndrimi i Rusisë janë ndër
temat themelore të debatit në Asamblenë e Këshillit të Evropës që u hap dje në Strasburg.
Në rend të ditës edhe zgjedhja e Sekretarit të përgjithshëm. Duke hapur debatin
për zgjdhjen e presidentit të ri, Luis Maria de Puig, presidenti i tashmë i Këshillit
të Evropës, nënvizoi se duhen zgjedhje të guximshme. Gjithashtu asambleja do të shqyrtojë
edhe situatën Gjeorgji-Rusi, një vit pas konfliktit të gushtit 2008. Por Moska do
të jetë në qendër të debatit edhe të enjten e ardhshme mbasi 72 europarlamentarë kanë
kërkuar të rishqyrtohen kompetencat e delegacionit rus në Strasburg. Moska vazhdon
të mos i respektojë impenjimet e marra në Këshillin e Evropës për të drejtat e njeriut,
gjë që është përparësia e përparësive për Këshillin e Evropës.