(28.09.2009 RV)Kryetari i Bashkisë së Tiranës, Edi Rama u konfirmua sot për
herë të dytë në krye të Partisë Socialiste të Shqipërisë. Rama mori 93% të votave,
në krahasim me 6,7% të rivalit të tij Maqo Lakrori. Rizgjedhja e tij, pas dorëheqjes
për shkak të humbjes në zgjedhjet e 28 qershorit, konfirmon edhe linjën e zgjedhur
nga opozita, e cila e kushtëzon fundin e bojkotimit të parlamentit me fillimin e hetimeve
mbi procesin e zgjedhjeve. Por ky qëndrim nuk shihet me sy të mirë nga bashkësia ndërkombëtare
dhe as nga një grup i vogël deputetësh socialistë.