Працягваецца апостальскае падарожжа Папы Бэнэдыкта 16 ў Рэспубліку Чэхіі. Нядзеля
27-га верасьня другі дзень візыту
З удзелам больш за 150-т тысяч вернікаў Папа адслужыў Сьвятую Імшу на лётнішчы
Тужаны ў Брне. Было гэта найбольшае рэлігійнае зграмаджаньне ад часоў ўзьнікненьня
Чэшскае Рэспублікі ў 1993-м годзе- паведамляюць аб гэтым карэспандэнты Ватыканскага
Радыё. “Адзіная ўпэўненая і непадманлівая надзея абапіраецца на Богу”- сказаў Бэнэдыкт
16 ў казаньні ды падкрэсьліў, што “дасьведчаньне гісторыі паказвае, да якіх недарэчнасьцяў
даходзіць чалавек, калі адкідае Бога ад сябе і як нялёгка ёсьць будаваць грамадзтва,
якое імкнецца да вартасьцяў дабра, справядлівасьці і братэрства, таму што чалавечае
існаваньне ёсьць свабоднае а ягоная свабода астаецца ломкаю”. Зьвяртаючыся да
вернікаў Сьвяцейшы Айцец сказаў, што Рэспубліка Чэхіі “жыве ў культурных умовах, якія
часта становяць радыкальны выклік для веры, а значыць і для надзеі. Чалавек патрабуе
вызваленьня ад матарыяльнага прыгнёту, але мусіць быць збаўлены ад зла, якое непакоіць
духа. А хто ж можа яго выратаваць, калі не Бог, які ёсьць Любоў”ю і які паказаў сваё
аблічча Усемагутнага і Міласэрнага Айца ў Хрысьце Ісусе?”- запытаўся Папа ды сказаў,
што ў сёньняшнім грамадзтве, “дзе многа формаў убоства нараджаецца з ізаляцыі, з недахопу
любові, з адкіненьня Бога і трагічнага закрыцтьця чалавека ў самым сабе, які думае,
што можа хапіць сам сабе або наадварот, ёсьць толькі фактам, які нічога не значыць
і які прамінае. Толькі Хрыстос можа быць нашаю ўпэўненаю надзеяю. Вось пасланьне,
якое мы хрысьціяне, пакліканы пашыраць кожнага дня сваім сьведчаньне”- падкрэсьліў
Бэнэдыкт 16.