Քահանայական տարի, - Քահանայական Կարգ խորհրդածութիւն
Քահանայական տարի, - Քահանայական Կարգ խորհրդածութիւն
Քահանայական
կարգը այն խորհուրդն է, որուն շնորհիւ Քրիստոսի կողմէ առաքեալներուն յանձնուած առաքելութիւնը
կը շարունակուի գործադրուիլ Եկեղեցւոյ մէջ մինչեւ լրումն ժամանակներուն։ Ան առաքելական
պաշտօնատարութեան ս. Խորհուրդն է եւ երեք աստիճան կ'ըմբռնէ. Եպիսկոպոսութիւն, քահանայութիւն
եւ սարկաւագութիւն։
Եկեղեցւոյ այս մարմիններէն մէկուն ներընկալումը կը կատարուէր
ծիսարարգով մը` կոչուած կարգ, որ կրօնական եւ ծիսական արարք մըն էր։ Ան նուիրագործումն
էր, օրհնութիւն մը կամ սուրբ խորհուրդ մը։ ...Կարգը կոչուած է նաեւ քահանայական օծում,
որովհետեւ ան զատորոշում մըն է եւ իշխանութեան փոխանցում մը` նոյն ինքն Քրիստոսէն` Իր
եկեղեցիին համար։
...Քրիստոսի փրկչագործ զոհը միակ է, կատարուած մի անգամ ընդ
միշտ։ Ասուհանդերձ ան ներկայ դարձած է Եկեղեցւոյ Գոհութեան զոհին մէջ։ Նոյնն է նաեւ պարագան
Քրսիտոսի քահանայութեան. Ան ներկայ դարձած է պաշտօնատարական քահանայութեամբ, առանց որ
նուազի միակութիւնը Քրիստոսի քահանայութեան. 'Արդարեւ Քրիստոս կը հանդիսանայ միակ ճշմարիտ
քահանան, մինչ միւսները միայն Իր պաշտօնատարներն են։'