էջ մը հայ երաժշտութենէն. հայազգի երաժիշտ եւ բանաստեղծ Գրիգոր Գապասաքալեան:
Հայազգի երաժիշտ եւ բանաստեղծ Գրիգոր Գապասաքալեան:
Հայկական խազերու մասնագէտ,
երաժիշտ եւ բանաստեղծ Գրիգոր Գապասաքալեան ծնած է Կեսարիա. ուսումը ստացած է իր ծննդավայրի
Ս. Կարապետ վանքի դպրանոցին մէջ, ապա ուսումը շարունակած՝ Կ. Պոլիս։ Մասնագիտանալով
հայ եկեղեցական երաժշտութեան բնագաւառին մէջ, վերադարձած է Կեսարիա եւ պաշտօնավարած
նոյն վանքին մէջ ուր ուսում ստացած էր։Այնտեղ մի քանի տարի աշխատելէ ետք Թուրքիոյ հայոց
պատրիարքի հրաւէրով ան կրկին մեկնած է Պոլիս եւ այնտեղ ստանձնած՝ տեղւոյն Գում Գաբուի
մայր եկեղեցւոյ դպրաց դասի երաժշտութեան ղեկավարութիւնը։ Լաւ ճանչցած է յունական եկեղեցական
ինչպէս նաեւ արեւելեան երաժշտութիւնը։ Ան 1794- 1803 գրած է երաժշտական 4 գրքեր, փորձած
է գտնել միջնադարեան խազագրութեան բանալին, որ մինչեւ օրս անլուծելի մնացած է, ստեղծած
է հայկական խազագրութեան նոր եւ աւելի արդիական համակարգ մը , դառնալով այսպէս հայ արդի
խազաբանական գիտութեան հիմնադիրը։ Հայազգի Գրիգոր Գապասաքալեան մահացած է 1808-ին
Կ. Պոլսոյ մէջ։