Historiani e teologu dom Gaspër Gjini në 79 vjetorin e lindjes.
(24.09.2009 RV) Kanë kaluar 78 vjet nga lindja e Dr. Dom Gaspër Gjinit. Prifti
e studiuesi i madh, lindi më 24 shtator 1930 në Ferizaj, në familjen e madhe të Kolës
e të Dushe Gjinit, që lindën, rritën e edukuan 12 fëmijë. Gaspri u shugurua meshtar
më 2 korrik 1955. Më vonë shkoi në Romë, ku pas studimeve në Universitetin Urbanian,
më 1968 mbrojti doktoratën me temë “Mbi burimet historiko-juridike të Kishës së Shkupit”. Pjesën
më të madhe të jetës dom Gasper Gjini ia kushtoi veprimtarisë baritore, në fillim
si sekretar i ipeshkvit, më pas si kancelar e si famullitar në Ferizaj e në Shkup.
Vite me radhë shërbeu si kryetar i Gjyqit kishtar e si bashkëpunëtor i zellshëm i
fetaro-kulturore të Kishës katolike në dioqezës revistës “Dritës”. Gjatë kësaj kohe
përpiloi dhe botoi librin e uratëve “Shűjta shpirtërore”. Mbylli sytë më 7 mars
1985 në spitalin e Beogradit, në sa ishte në kulmin e pjekurisë shkencore. Njeri
me virtyte të rralla, me kulturë poliedrike, ai na la trashëgim veprën madhore postume:
"Ipeshkvia Shkup -Prizren nëpër shekuj" , botuar në Zagreb, më 1992.