Benedikti XVI priti sot paradite, në Kastel Gandolfo, disa grupe ipeshkvijsh të Konferencës
ipeshkvnore të Brazilit në vizitën 'ad Limina'.
(24.9.2009 RV)Papa Benedikti XVI
priti sot paradite, në Kastel Gandolfo, disa grupe ipeshkvijsh të Konferencës ipeshkvnore
të Brazilit të rajonit Verilindor 1 e Verilindor 4, me rastin e vizitës së tyre pesë
vjeçare ‘ad Limina Apostolorum’, ndërsa pasdite priti një grup tjetër. Ndër ta
edhe kryeipeshkvi i dioqezës së Terezina imzot Sergjio da Hosha, i cili në
mikrofonin e Radio Vatikanit flet për realitetin e veri-lindjes së Brazilit dhe sfidat
më urgjente për Kishën vendore:
“Veri-lindja e Brazilit është zona më e
varfër e tërë Vendit, ku njerëzit jetojnë në situata shoqërore jashtëzakonisht të
vështira e varfëria prek pjesën më të madhe të popullit tonë. Sipas mendimit tim,
të ungjillëzosh popujt, është sfida kryesore në këtë pjesë të Brazilit. Megjithëse
janë disa qytete në të cilat njerëzit jetojnë pak më mirë, në mënyrë të veçantë në
kryeqytetin Brazělia e në qytetin e Fortalezës, kryeqytetin e shtetit të Kearŕs. Në
këtë gjendje varfërie e nënzhvillimi, bëhet edhe më e vështirë mbështetja e klerit
dhe mirëmbajtja e famullive kishtare. Mirëpo duhet thënë se jemi edhe rajoni më katolikë
i Brazilit, me një fe popullore shumë të fortë, mirëpo nuk është lehtë të ungjillëzosh
në mesin e një varfërie kaq të madhe, me një katolicizëm popullor e fshatar nga njëra
anë dhe botën urbane në anën tjetër”.
Imzot Hosha, Kisha vendore çka është
duke bërë për realizimin e misionit kontinental sipas “Dokumentit të Aparesidës”,
dokument ky i rëndësishëm për Kishën e Amerikës Latine?
“Misioni kontinental
përfaqëson një moment të veçantë të përtëritjes së fesë, të jetës së krishterë e të
shpirtit misionar. Jemi duke u munduar ta promovojmë këtë frymë misionare në të gjitha
bashkësitë tona e në të gjitha zonat baritore, për shembull në katekizëm, në baritorinë
rinore, me familje. Duhet të dalim e t’i takojmë të gjithë njerëzit për të bërë që
vet personat të bëhet dishepuj e misionar të Krishtit”.
Imzot Hosha, si
i trajtoni çështjet kyçe siç është mbrojtja e jetës dhe e familjes?
“Mbrojtja
e jetës dhe e familjes janë në qendër të ungjillëzimit. Një nismë në gjendje të promovoi
mbrojtjen e jetës dhe të familjes është themelimi i komisioneve për mbrojtjen e jetës
nëpër dioqeza apo famullitë kishtare së bashku me veprimtarinë baritore të familjeve.
Promovimi dhe mbrojtja e jetës janë synimet qendrore të këtyre komisioneve. Ndër detyrat
e ndryshme është edhe ajo e reflektimit dhe e formimit të ndërgjegjeje, e vlerës së
jetës njerëzore në mediat - gazeta, radio, tv, në shkolla, në universitete si dhe
në bashkësitë e krishtera”.