Багародзічная малітва "Анёл Гасподні" ў нядзелю 20-га верасьня
А паўдні гэтага дня Папа Бэнэдыкт 16 сустрэўся з вернікамі ў сваёй летняй рэзыдэнцыі
ў Кастэльгадольфо, якія прыбылі туды, каб супольна адгаварыць гэтую марыйную малітву.
У сваім разважаньні, перад ейным адгаварэньнем, Сьвяцейшы Айцец спаслаўся да нядзельнага
чытаньня з Пасланьня Сьвятога Апостала Якуба, дзе гаворка ідзе пра фальшывую і сапраўдную
мурдасьць. Фальшывая мудрасьць,- сказаў Папа,- “пачуцьцёвая і д”ябальская” вядзе
да безладдзя і правіннасьцяў. Другую, “якая зыходзіць з гары” можна распазнаць па
шчодрых пладах дабра. “Чаму ж не чэрпаць з чыстае крыніцы Божае любові гэтую мудрасьць
сэрца, якая ачышчае нас з хлусьні і эгаізму?,- запытаўся Бэнэдыкт 16. Гэта тычыцца
ўсіх, асабліва тых, якія пакліканыя быць пашыральнікамі і стваральнікамі міру ў рэлігійных
ды сацыыяльных супольнасьцях, у грамадзкіх і палітычных кантактах ды у міжнародных
адносінах. У нашых часах, магчыма з увагі на нейкія мэханізмы, якія праходзяць у
грамадзтве, часта заўважваецца зьніжэньне значэньня праўды і дадзенага прыказаньня,
пры адначасным пашыраньні схільнасьцяў да агрэсіі, нянавісьці і помсты. Але каб ажыцьцяўляць
учынкі міру трэба быць чалавекам міру, навучаючыся ў школе “мудрасьці, якая зыходзіць
з гары”, прыймаць яе якасьці ды плады. Пасьля адгаварэньня малітвы “Анёл Гасподні”
Бэнэдыкт 16 вярнуўся да пытаньня міру на сьвеце, спасылаючыся да нядаўняга замаху
ў Кабулу, дзе загінула, між іншым, шасьцяёх італьнякіх салдатаў. Запэўніў аб сваёй
малітве ў намеры ўсіх ахвяраў, таксама і іншых вайсковых кантыгнентаў, што знаходзяцца
ў Афганістане, і якіх заданьнем ёсьць ўвядзеньне міру ў гэтай краіне ды зрабіць магчымым
неабходнае разьвіцьцё. Папа сьцвердзіў Мы ніколі не павінны
прызвычайвацца да гэтага роду вестак, якія выклікаюць смутак і супраціўленьне сярод
тых асоб, якім на сэрцы ляжыць справа міру і згоднасьці”. Сьвяцейшы Айцец заахвоціў
таксама народы сьвету супрацьставіцца лёгіцы насільля і сьмерці а намагацца пашыраць
справядлівасьць, прымірэньне, мір і развіцьцё”. На заканчэньне сустрэчы з вернікамі
Бэнэдыкт 16 папрасіў іх малітваў у намеры свайго апостальскага падарожжа ў Рэспубліку
Чэхіі, якое адбудзецца ў днях 26-28 верпасьня. Папа прыпомніў галоўныя этапы гэтага
паломніцтва ды яго асноўную мэту. Рэспубліка Чэхіі
геаграфічна і палітычна знаходзіцца ў сэрцы Эўропы. Пасьля драмаў мінулага стагоддзя
патрабуе, падобным чынам як увесь эўрапэйскі кантынэнт, адшукаць рацыі сваёй веры
і надзеі. Ідучы сьледам майго ўзлюбленага папярэдніка Папы Яна Паўла ІІ, які тры
разы адведаў гэтую краіну, таксама і я аддам пашану геройскім сьведкам Эвангэльля,
тым з далёкай мінуўшчыны і нядаўным ды буду заахвочваць усіх, каб ішлі ўперад у праўдзе
і любові”. Папа сказаў пры гэтай нагодзе, што падарожжа ў Рэспубліку Чэхіі кончыць
ягоны адпачынак у Кастэльгандольфо.