Papa: mesazh ngushëllimi për viktimat e atentatit të javës së kaluar në Afganistan.
Lutja e Papes per ata qe punojne ne ndertimin e paqes.
(21.9.2009 RV)Italia homazhe gjashtë ushtarëve të vrarë në atentatin e së enjtes
së kaluar në Kabulit. Në bazilikën e Shën Palit në Romë, kryeipeshkvi imzot Pelvi,
kremtoi Meshën e dritës për parashutistet e Folgore, vrarë javën e kaluar. Në fillim
të kremtimit të përmortshëm, është lexuar telegrami i Papës. Ja pra mesazhi i
dërguar sot në emër të Benediktit XVI nga Sekretari i Shtetit të Vatikanit, kardinali
Tarçizio Bertone, ipeshkvit të dioqezës ushtarake për Italinë, imzot Vinçenco Pelvit,
përmes të cilit shpreh ngushëllimet e Papës. “Ati i Shenjtë shpreh ngushëllimet
e sinqerta shkëlqesisë Tuaj, familjarëve e bashkësive përkatëse, si edhe bashkësisë
Kishtare të ushtarëve e mbarë kombit italian. Derisa bashkohet shpirtërisht me kremtimin
e salikimeve, Shenjtëria e Tij kërkon ndërmjetësimin e të Shenjtënueshmes Mari, Mbretëreshës
së Paqes, që Zoti, burim i pashtershëm i shpresës dhe i forcës së mirë, t’i ndihmojë
të gjithë ata që ditë për ditë janë të impenjuar në ndërtimin e solidaritetit, të
pajtimit e paqes në botë. E nga zemra u dërgon të gjithë të pranishmëve ngushëllimin
e bekimit apostolik, me një mendim e kujtim të posaçëm për ushtarët e plagosur”.