У Менска-Магілёўскай архідыяцэзыі зьбіраліся ахвяраваньні на ўтрыманьне Духоўнае Сэмінарыі
ў Пінску
6 верасня 2009 г., у нядзелю, у Мінска-Магілёўскай архідыяцэзіі збіраліся ахвяраванні
на ўтрыманне Міждыяцэзіяльнай вышэйшай духоўнай семінарыі імя св. Тамаша Аквінскага
ў Пінску. Варта адзначыць, што гэтая навучальная ўстанова існуе выключна за кошт ахвяраванняў
вернікаў.
У гэтым годзе ў пінскую духоўную семінарыю залічаны 9 новых
навучэнцаў. 27 жніўня ў семінарыі адбыліся ўступныя экзамены, па выніках якіх 4 новыя
студэнты з Мінска-Магілёўскай архідыяцэзіі, 1 студэнт з Пінскай і 1 з Віцебскай дыяцэзій
залічаны ў навучальную ўстанову, якая рыхтуе будучых святароў. Тры з прынятых навучэнцаў
распачалі сваю фармацыю ў ордэне кармэлітаў босых.
Урачыстае распачацце
навучальнага года ў Міждыяцэзіяльнай вышэйшай духоўнай семінарыі згодна з традыцыяй
адбудзецца 1 кастрычніка. Праграма навучання ў семінарыі разлічана на шэсць гадоў.
Адметна тое, што гэтую навучальную ўстанову адкрыў у будынку былога францішканскага
кляштара ў 1925 г. біскуп Зыгмунт Лазінскі, аднак праз 14 гадоў яна была зачынена.
У 1939 г. семінарыю скончыў кардынал Казімір Свёнтэк, які ў 2001 г. і аднавіў яе дзейнасць.