Fushata kombëtare e të krishterëve pakistanezë për të drejtat e tyre
(12.09.2009 RV)Të krishterët pakistanezë vazhdojnë të jenë nën presionin e
grupeve fondamentaliste islamike, por vazhdojnë fushatën e tyre kombëtare për të sensibilizuar
publikun e për t’i kërkuar qeverisë më shumë mbrojtje. Gjatë ditëve të kaluara, bashkësitë
e krishtera të Islamabadit dhe të Raualpindit manifestuan paqësisht, duke kërkuar
të drejtat e tyre si liria e kultit, e fesë, e shprehjes, e arësimimit dhe e drejta
të jetojnë në harmoni me banorët e tjerë të vendit. Të krishterët kërkuan drejtësi
për dhunën e pësuar nga bashkësitë e besimtarëve në Gojra e në vende të tjera.