Масква: арцыбіскуп Гілярыён неўзабаве адведае Ватыкан
У найбліжэйшым часе з рабочым візытам у Ватыкан прыбудзе старшыня Аддзяленьня Зьнешніх
Адносінаў Маскоўскага Патрыярхату арцыбіскуп Гілярыён Альфееў. Гэта будзе ўжо чарговая
сустрэча гэтага духоўнага з Наступнікам Сьвятога Пятра: бо ж меў ужо ён размовы з
Папам Янам Паўла ІІ і цяперашнім Папам Бэнэдыктам 16. “Мэтаю візыту ёсьць абмеркаваньне
праблемаў, якія спалучаныя з дыялогам паміж абедзьвума Цэрквамі,- сказаў арцыбіскуп
Гілярыён. У цяперашні момант паміж Маскоўскім Патрыярхатам і Рыма-каталіцкім Касьцёлам
існуюць добрыя адносіны, пры чым іхняе палепшаньне наступіла ў апошніх гадах пры Папе
Бэнэдыкту 16-м,- сьцвердзіў далей расійскі праваслаўны герарх. “Мы вядзем адкрыты,
непасрэдны дыялог, які накіраваны на прадстаўленьне хрысьціянскіх поглядаў у сучасным
сьвеце. Мы выпрацоўваем таксама супольныя адказы на праблемы, што зьяўляюцца ў сёньняшняй
рэчаіснасьці”,- дадаў арцыбіскуп Гілярыён.