Пасланьне Патрыярха Барталамея І-га на Дзень Аховы Стварэньня
І-га верасьня ў многіх асяроддзях, у тым і хрысьціянскіх, ушаноўваўся Дзень Аховы
Стварэньня. Ініцыятыву гэтую падтрымаў між іншым і Папа Бэнэдыкт 16, робячы заклік
да адказнасьці ў імені будучых пакаленьняў за прыроду як Божага дару. Сьвяткаваньні
Дня Аховы Стварэньня пачаліся дакладна 20-ць гадоў таму назад дзякуючы намаганьням
Усяленскага Канстантынопальскага Патрыярхату. У пасланьні з гэтае нагоды Патрыярх
Барталамей І-ы піша, «што поступ чалавецтва не заключаецца толькі на накопліваньні
даброў і спажываньні прыродных багацьцяў зямлі. Развязкаю цяперашняга крызісу ёсьць
паварот да любові, якая можа перамяніць ўзаемныя адносіны і натхніць адвагаю і спачуваньнем
да акружаючага нас натуральнага асяроддзя». Патрыярх падкрэсьлівае, што цяперашні
фінансавы крызіс зьяўляецца добраю нагодаю да таго, каб перамагаць праблемы чалавецтва
ў новы спосаб, таму што дагэтуляшнія развязкі поўнасьцю расчаравалі. «Мы паставілі
ранык у цэнтры нашых зацікаўленьняў, пачынаньняў і адначасна таксама нашага жыцьця.
Мы забыліся пра тое, што цяперашнімі рашэньнямі мы намечваем будучыя пакаленьні, абмяжоўваючы
магчымасьці іхніх выбараў»- сьцвярджае БарталамейІ-ы. «Нашая чалавечая эканомія,
якая зрабіла нас спажывальнікамі, ўпадае на нашых вачах. Боская эканомія, якая зрабіла
нас на вобраз і падабенства Стварыцеля, запрашае да любові і турботы пра стварэньне».
Спосаб у які мы перажываем сябе, ў ролі спажывальнікаў ці любленых Богам стварэньняў,
адлюстроўваецца спосаб, ў які мы адносімся да стварэньня»- піша на заканчэньне свайго
пасланьня Патрыярх Барталамей І-ы.