Papa: Kujtimi i Luftës II Botërore i mëson njeriut shpirtin e paqes për të cilin Evropa
e bota kanë nevojë.
(02.9.2009 RV)Papa Benedikti XVI pas përmbledhjes së katekizmit në gjuhë të
ndryshme të botës, në çastin e përshëndetjeve, duke iu drejtuar shtegtarëve polakë,
foli edhe për 70-vjetorin e fillimit të Luftës II Botërore, që u përkujtua dje: “W
pamięci narodów pozostaje... Në kujtesën e popujve mbeten të pashlyera tragjeditë
njerëzore dhe absurditeti i luftës. T’i lutemi Zotit që fryma e faljes, e paqes dhe
e pajtimit t’i mbushë përplot zemrat e njerëzve. Evropa dhe bota e sotme kanë nevojë
për shpirtin e bashkimit. Ta ndërtojmë mbi Krishtin e mbi Ungjillin e Tij, mbi bazën
e dashurisë e të vërtetësisë”. Në përfundim Benedikti XVI u drejtoi një përshëndetje
të veçantë edhe pjesëmarrësve në një simpozium ndërkristian, organizuar nga Universiteti
Papnor Antonianum dhe Universiteti Aristoteles i Selanikut. Uroj – tha në përfunim
Papa – që reflektimi i përbashkët ndërmjet katolikëve e ortodoksëve mbi figurën e
Shën Agostiniut, t’i shpejtojë hapat tanë drejt bashkimit të plotë.