16 верасня ў выставачным павільёне БелЭКСПА адбудзецца адкрыццё VІІІ Нацыянальнага
фестывалю архітэктуры “Мінск — 2009”. У святле магчымасцей будаваць новыя касцёлы
ў Беларусі архітэктары натхняюцца ідэяй спалучыць нацыянальную сучаснасць са спрадвечнай
храмавай прыгажосцю.
Фестываль, па традыцыі, папярэдзіць Міжнародны дзень архітэктуры, які адзначаецца
1 кастрычніка.Старшыня БСА спадар Аляксандр Корбут зазначыў, што ў межах фэсту, які
праводзіцца раз на два гады (прынцып б'еналле), адбудзецца агляд-конкурс на лепшы
архітэктурны праект года, 3-ці Мінскі міжнародны конкурс маладых архітэктараў “Леанарда
(да Вінчы) - 2009” і конкурс дыпломных праектаў вышэйшых архітэктурных школ Беларусі.
Дырэктар прадпрыемства “Мінскград” спадар Аляксандр Пятроў расказаў, што ўжо пачалі
разгортвацца экспазіцыі, якія складаюцца з пару дзясяткаў выставаў. Тут можна будзе
ўбачыць работы больш чым 150 дойлідаў з трынаццаці праектных інстытутаў, творчых майстэрань,
персанальныя выстаўкі майстроў архітэктуры Беларусі, ЗША, Італіі, Польшчы, Фінляндыі,
Казахстана, Сербіі, Чэхіі, Расіі, Украіны і іншых краін. Наведвальнікі атрымаюць магчымасць
пазнаёміцца з творамі беларускіх скульптараў, выставай жывапісных работ выхаванцаў
Студыі дзіцячай творчасці пры Беларускім саюзе архітэктараў, а таксама з вырабамі,
матэрыяламі і тэхналогіямі прадпрыемстваў Беларсуі і тых, якія працуюць на беларускім
рынку. Паралельна ў Доме архітэктараў будзе дэманстравацца выстаўка жывапісных работ
і графікі. У межах фэсту запланаваны: міжнародныя навукова-тэхнічныя семінары пад
эгідай Сакратарыята Еўрапейскай эканамічнай камісіі ААН і Сакратарыята міжурадавага
савета па супрацоўніцтве СНД, канфярэнцыя галоўных архітэктараў гарадоў Беларусі,
“круглыя столы”, майстар-класы лідэраў еўрапейскай і сусветнай архітэктуры! Не
менш цікавымі бываюць і працы будучых дойлідаў: зноў рыхтуецца выстава дзіцячых праектаў
і малюнкаў. Прыцягваюць увагу праекты і распрацоўкі па адраджэнні помнікаў архітэктуры,
выкананыя навучэнцамі архітэктурных навучальных устаноў. Напрыканцы фэстывалю
міжнароднае журы вылучыць пераможцаў, якім будуць прысуджаны дыпломы, медалі і Гран-пры.
Гэтыя ўзнагароды стаюцца штогод больш прыстыжнымі. У арганізацыі форуму прынялі ўдзел
Беларускі саюз архітэктараў пры падтрымцы Мінскага гарвыканкама, Міністэрства архітэктуры
і будаўніцтва РБ, Міністэрства культуры РБ, Міжнароднай асацыяцыі саюзаў архітэктараў,
Асацыяцыі архітэктараў краін Цэнтральнай і Усходняй Еўропы.