I dorëzohet Papës programi i Konferencës ndërkombëtare kushtuar personave të shurdhër
në Kishë.
(01.9.2009 RV)Dikasteri Shëndetësor i Vatikanit i ka paraqitur Papës programin
e Konferencës së ardhshme të nëntorit, kushtuar pranisë së personave të shurdhër në
Kishë. “Synimi që kemi me zgjedhjen e kësaj teme është për t’i ofruar Kishës rastin
që të vlerëson kontributin e personave të shurdhër në fusha të ndryshme të apostullatit,
duke njohur dhe pranuar kështu vlerën e punës së tyre”. Në këtë mënyrë kryeipeshkvi
Zigmunt Zimovski, president i Këshillit Papnor për Baritorinë e Shëndetit, i paraqiti
këtyre ditëve Papës Benediktit XVI programin e Konferencës së 24-të ndërkombëtare
që do të zhvillohet në Vatikan nga data 19 deri më 21 nëntor. “Ndërhyrjet në sallën
e punimeve të kësaj konference ndërkombëtare, nënvizoi përgjegjësi i dikasterit të
Vatikanit, do të trajtojnë çështje që kanë të bëjnë me kushtet e personave të shurdhër
në aspektin sociologjik, psikologjik, mjekësor, familjar e sidomos baritor”, me qëllim
që të “sensibilizohet e tërë bashkësia kishtare dhe t’i jepet një shtytje nismave
konkrete dhe efikase, në nivelin shoqëror e kishtar, për të lehtësuar kështu vështirësitë
dhe vuajtjet e personave të shurdhër”. Ndër relatorët që do të marrin pjesë në
Konferencë, janë kardinali Havier Lozano Barragŕn, president nderi i dikasterit të
Vatikanit, kryeipeshkvi i Liverpulit, Patrik Kelli, president i International catholic
foundation for the servis of deaf persons, dhe atë Gjerard Tirrel, drejtor i kapelanisë
për persona tëshurdhër në Dublin. Mjekë dhe ekspert ndërkombëtar në fushën
psikologjike, në mjedisin familjar të personave të shurdhër e të tjerë.