"Vetëvendosja" kundër Eulex-it. Misioni i BE-së dënon dhunën. Presidenti Sejdiu kundërshton
protokollin mes Eulexit e Beogradit.
(25.8.2009 RV)Aktivistë të Lëvizjes “Vetëvendosje”, dëmtuan sot në Prishtinë
28 automjete të misionit për siguri dhe sundim të ligjit EULEX, prapa Pallatit të
Rinisë, kurse policia ka arrestuar 21 aktivistë të kësaj organizate dhe ndaj tyre
ka filluar procedura hetimore për rastin e dëmtimit të pronës e për ndërhyrje të dhunshme.
Reagon misioni i BE-së: Jo dhunës, por protesta paqësore. “Vetëvendosja i thotë jo
marrëveshjes së Kosovës me Serbinë" dhe akuzon presidentin Sejdiu e kryeministrin
Thaçi, si dy figura, siç thuhet, të nënshtruara politike, për interesa individuale.
Vetë Presidenti Sejdiu ka përsëritur sot se Kosova është kundër nënshkrimit të protokollit
ndërmjet EULEX-it dhe Beogradit, duke i anashkaluar institucionet e Kosovës.