Benedikti XVI dhuroi pesëdhjetë mijë dollarë për të ndihmuar popullsitë e dëmtuara
nga stuhitë.
(23.08.2009 RV)Papa ishte i pari që i dërgoi një ndihmë konkrete popullsive
të Taivanit, të dëmtuara këto ditë nga tifoni Morakot. Ati i Shenjtë nuk priti të
pushonin shirat e përmbytjet, por nisi menjëherë, përmes Këshillit Papnor ‘Cor Unum’,
një dhuratë prej 50 mijë dollarësh, për të ndihmuar popullsitë e zonave më të goditura
nga stuhitë shkatrrimtare. Në përkim me qeverinë, Kisha katolike ka nisur në vend
edhe vullnetarë, për të ndihmuar njerëzit që vuajnë e që kanë më shumë nevojë për
mbështetje. Ndërsa ipeshkvijtë u kanë shkruar disa prej konferencave ipeshkvnore,
duke u kërkuar ndihmë materiale. Të gjitha këto janë shenjë konkrete e afërsisë shpirtërore
të Papës e të Kishës universale me njerëzit që vuajnë.