(18.08.2009 RV)Një autokolonë e trupave Isaf u sulmua sot paradite në Afganistan
nga persona të armatosur. Nga luftimet mbetën shtatë civilë të vrarë ndër të cilët
edhe dy nëpunës afganë të OKB-së. Zëdhënësi i misionit UNAMA të OKB-së për Afganistanin
tha se personeli që u përfshi në luftime nuk ishte me ndonjë detyrë të posaçme por
se po transferohej thjeshtë nga një bazë e OKB-së në tjetrën. Po ashtu edhe dy ushtarë
amerikanë u vranë po sot nga një bombë në Kabul në një atentat tjetër. Tani që vendi
është në prag të zgjedhjeve presidenciale talebanët e kanë intensifikuar aktivitetin
e tyre me qëllim që ta destabilizojnë situatën në vend.