Kardinali Rodè, i dërguar i posaçëm i Papës në Mal të Zi për jubileun e mbartjes së
relikeve të Shën Trifonit.
(18.08.2009 RV)Kardinali Franc
Rodè, prefekt i Kongregatës për Institutet e jetës rregulltare dhe Shoqëritë e jetës
apostolike, është i dërguar i posaçëm i Papës në Mal të Zi për 1200-vjetorin e mbartjes
së relikeve të Shën Trifonit. Jubileu do të kremtohet në Kotorr të Malit të Zi,
më 17 tetorin e ardhshëm. Sipas traditës lindore, Shën Trifoni, i lindur në Lampsako,
në Turqinë e sotme, në vitin 232, nga prindër të krishterë, u martirizua në kohën
e persekutimit të Decios (249-251). Në shekullin VI Shenjtit i u kushtuan dy bazilika
në Kostandinopojë. Në vitin 809 tregtarët venedikas i rrëmbyen reliket e Shën Trifonit
nga Kostandinopoja e, në vijim, pas një mrekullie, i lanë në Kotor të Malit të Zi,
ku Shenjti u shpall pajtor i qytetit, pasi për nder të tij u ngrit edhe një bazilikë. Shën
Trifoni njihet si mbrojtës i prodhimeve bujqësore nga karkalecat e brejtësit e tjerë,
si dhe i njerëzve, që rrezikohen nga sëmundje ngjitëse.